Bæta þarf stjórnun og eftirlit með þjónustu við fatlaða

Áformað er að flytja málaflokkinn alfarið frá ríki til sveitarfélaga á næsta ári

Samþykkja þarf heildarstefnu um þjónustu við fatlaða og tryggja samræmi hennar milli stofnana og landshluta. Þá þarf að efla allt eftirlit með starfseminni.

Samkvæmt fjárlögum munu framlög til þjónustu við fatlaða nema samtals 11,2 ma.kr. á þessu ári. Í nýrri skýrslu Ríkisendurskoðunar er bent á ýmsa veikleika í skipulagi og stjórnun málaflokksins. Þannig liggi t.a.m. ekki fyrir formlega samþykkt heildarstefna um hann og fjárveitingar taki ekki mið af reglulegu mati á þörf fyrir þjónustu. Einnig sé eftirliti með starfseminni ábótavant og því ekki tryggt að jafnræði ríki meðal þjónustuþega.

Svæðisskrifstofur sjá um að veita þjónustu við fatlaða í umboði félags- og tryggingamálaráðuneytisins. Að auki hefur ráðuneytið samið við fimm sveitarfélög eða byggðasamlög um að veita þjónustuna gegn greiðslum úr ríkissjóði. Í skýrslunni kemur fram að ekki liggi fyrir með hvaða hætti þessir samningar hafi verið uppfylltir.

Áformað er að flytja málaflokkinn alfarið frá ríki til sveitarfélaga í byrjun næsta árs. Ráðuneytið mun þó eftir sem áður bera ábyrgð á yfirstjórn hans og hafa eftirlit með þjónustunni. Þrátt fyrir þessi áform liggur ekki fyrir mat á því hvaða ávinningi flutningurinn mun hugsanlega skila og telur Ríkisendurskoðun það ámælisvert.

Í skýrslunni er bent á ýmsar leiðir til að bæta stjórnun málaflokksins. Meðal annars þurfi að samþykkja formlega heildarstefnu þar sem fram komi skýr forgangsröðun, aðgerðaáætlun og mælikvarðar á árangur. Einnig þurfi að tryggja samræmi þjónustunnar milli stofnana og landshluta og að fjárveitingar til hennar taki mið af reglulegu mati á þjónustuþörf. Þá sé brýnt að bæta allt eftirlit með þjónustunni. Loks þurfi stjórnvöld að tryggja að unnt verði að meta mögulegan ávinning af flutningi málaflokksins frá ríki til sveitarfélaga.

Við hvetjum alla til að lesa skýrsluna en hér er linkur beint á hana.
http://www.rikisendurskodun.is/fileadmin/media/skyrslur/thjonusta_vid_fatlada.pdf

Reykjavíkurmaraþon verður 21.08.2010 og í tengslum við hlaupið gefst velunnurum Félags CP á Íslandi tækifæri á að "hlaupa til góðs" þ.e. bankar styrkja góðgerðarfélag að vali viðskiptavinar um ákveðna fjárhæð. Einnig gefst fyrirtækjum og einstaklingum sem ekki geta hlaupið, en vilja láta gott af sér leiða, tækifæri á að heita ákveðinni upphæð á hlaupara. 

Áheitasöfnun í tengslum við hlaupara er í fullum gangi og mikilvægt að félag CP á Íslandi veki athygli sinna félagsmanna á að hægt er að heita á hlaupara á hlaupastykur.is og velja Félag CP undir flippanum góðgerðarfélög og þá sjást þeir sem ætla að hlaupa fyrir okkur.

Þar er hægt að heita á keppendur bæði með SMSi og með kredditkorti.

Félagið hefur sett sér það markmið að safna 500.000.- krónum í hlaupinu í ár og til að það náist þurfa allir að leggjast á eitt.

Fjöldi manns hefur styrkt CP félagið með því að taka þátt í hlaupinu eða heita á þá sem hlaupa og kann félagið þeim miklar þakkir fyrir. Eru félagar, sem og aðrir, hvattir að taka þátt.

Reykjavíkurmaraþon
Hlaupastyrkur.is

 Hvetjum alla sem vettlingi geta valdið að hlaupa til góðs og hlaupa fyrir CP félagið, þeir sem hlaupa fyrir CP félagið geta fengið CP BUFF til eignar, eina sem þarf að gera er að skrá sig í hlaupið og senda okkur línu á cp@cp.is.
 
Opnaður hefur verið nýr áheitavefur fyrir Reykjavíkurmaraþon Íslandsbanka 2010, hlaupastyrkur.is. Um er að ræða mun notendavænna umhverfi heldur en unnið hefur verið í undanfarin ár.
Á vefnum geta hlauparar sett inn myndir af sér og sagt frá því hversvegna þeir hafa valið að hlaupa fyrir tiltekið góðgerðafélag. Áheit er hægt að greiða með kreditkorti eins og verið hefur undanfarin ár en auk þess er hægt að heita á hlaupara með því að senda sms skilaboð.

Til að hefja söfnun þurfa hlauparar að fara inná vefinn hlaupastyrkur.is og velja "nýskráning". Þá fá þeir tilboð um að setja inn mynd af sér og segja hversvegna þeir hlaupa fyrir tiltekið málefni. Hægt er að safna áheitum í tveimur flokkum; sem boðhlaupslið eða sem einstaklingur sem tekur þátt í maraþoni, hálfmaraþoni, 10 km hlaupi eða 3 km skemmtiskokki.
Það er von Reykjavíkurmaraþons að nýr vefur setji aukin kraft í áheitamálin og skili enn meiri tekjum í öll þau þörfu málefni sem hægt er að hlaupa fyrir.

CP félagið þakkar öllum sem komu á sumarhátíðina um síðustu helgi kærlega fyrir komuna og vonar að sem flestir mæti aftur að ári.Leikhópurinn Lotta, Lalli töframaður og Jónsi fá líka kærar þakkir því án þeirra hefði hátíðin ekki tekist svona vel. Svo setjum við inn myndir á næstu dögum þeir sem luma á skemmtilegum myndum og myndu vilja leyfa okkur að hafa þær hér á heimasíðunni mega gjarnan senda þær til okkar í cp@cp.is.

Golfæfingar í Hraunkoti á þriðjudögum í sumar
Í sumar mun Golfsamband fatlaðra á Íslandi bjóða upp á golfæingar í Hraunkoti hjá Golfklúbbnum Keili í Hafnarfirði. Æfingarnar verða á þriðjudögum á milli kl. 17:00-19:00 fyrir alla fötlunarhópa.
Jóhann Hjaltason verður kennari við æfingarnar og stefnt er á að skipta tímunum upp eftir getu þannig að æfingin verði um klukkustund á hvern iðkanda í viku. Æfingarnar eru þegar hafnar og næsta æfing verður í Hraunkoti þriðjudaginn 29. júní næstkomandi.

Sumarhátíð CP félagsins

Þá er komið að okkar árlegu sumarhátíð, sem haldin verður í Reykholti

Biskupstungum helgina 2. júlí - 4. júlí nk.

Dagskráin verður sem hér segir:

          Föstudagur 2. júlí

Grillið heitt, hver kemur með sinn mat og drykk.

          Milli kl. 21 og 21.30 hefst varðeldur og fjöldasöngur.

          Laugardagur 3. júlí

11:30 Keyrt upp í Haukadalsskóg og labbað um skóginn þar sem     meðal annars eru hjólastólastígar

       Boðið upp á ökuferð með "Kubbnum"

          Hittum Rauðhettu og úlfinn í skóginum.

Grillaðar pylsur verða í boði milli kl. 13 - 14 í skýlinu Haukadalsskógi   

          Sund í Reykholtslaug

          Hoppukastalar og leiktæki á túninu fyrir framan Aratungu.

          Kl. 18 kvöldverður í Aratungu

Eftir matinn verða skemmtiatriði,

Lalli töframaður og Jónsi kemur og syngur nokkur lög.

Semsagt frábær skemmtun - og dans á eftir.

          Sunnudagur 4. júlí

          Engin formleg dagskrá.

Boðið er uppá stæði fyrir tjaldið eða gistingu í svefnpokaplássi.

Þeir sem ekki vilja gista geta keyrt á staðinn að morgni laugardags

og til baka um kvöldið.

Sama gamla verðið, kr 2.500.- fyrir fullorðna, 1.500.- fyrir 6-12 ára

og frítt fyrir yngstu börnin. Tökum visa og euro.

Innifalið í verðinu er hreinlega allt sem hér að ofan er talið þ.e. tjaldaðstaða eða gisting í svefnpokaplássi í Reykholtsskóla, grillaðstaða

á föstudag, sund, glæsilegur kvöldverður, skemmtun og dans.

Skráning er hafinn og fer fram í gegnum tölvupóst, í póstinum þarf að koma fram  nafn þess sem pantar og hversu margir koma, aldur barna og hvar á að gista. Skráning á að vera búin fyrir 29 júní . Einnig er hægt að skrá sig í síma félagsins 691-8010.

Sjáumst kát og hress, í góða skapinu, í góða veðrinu!!!

Sumarhátíð CP félagsins

Þá er komið að okkar árlegu sumarhátíð, sem haldin verður í Reykholti

Biskupstungum helgina 2. júlí - 4. júlí nk.

Boðið er uppá stæði fyrir tjaldið eða gistingu í svefnpokaplássi.

Þeir sem ekki vilja gista geta keyrt á staðinn að morgni laugardags

og til baka um kvöldið.

Sumarhátið cp félagsins er góður vettvangur fyrir bæði börn og foreldra í félaginu.

Stemningin er að venju mjög góð, á laugardeginum skella flestir sér í sundlaug sem er á svæðinu og um kvöldið er kvöldverður í boði grill og gaman.

Í framhaldi af grillinu eru skemmtiatriði og diskó fyrir börn og fullorðna.

Hoppukastalar og leiktæki eru á svæðinu .

Skráning er hafinn og fer fram í gegnum tölvupóst (cp@cp.is), í póstinum þarf að koma fram  nafn þess sem pantar og hversu margir koma, aldur barna og hvar á að gista. Skráning að vera búin fyrir 29 júní . Einnig er hægt að skrá sig í síma félagsins 691-8010.

Með von um að sjá sem flesta.

Fyrir hönd Félags CP á Íslandi

Klara Geirsdóttir 864-5340

Alþingi sammála um að koma skuli á NPA

félags- og tryggingamálaráðherra er þar með falið að koma á fót notendastýrðri persónulegri aðstoð, með setningu laga á haustþingi 2010. 

Fyrr í dag var samþykkt samhljóða á Alþingi ályktun um að fela félags- og tryggingamálaráðherra að koma á fót notendastýrðri persónulegri aðstoð (NPA) við fatlað fólk á Íslandi með það að markmiði að fatlað fólk geti almennt notið sjálfstæðis í lífi sínu til jafns við ófatlað fólk. Ráðherra leggi fram tillögu að útfærslu á þjónustunni ásamt frumvarpi til nauðsynlegra lagabreytinga á haustþingi 2010.

Ályktunin var samþykkt samhljóða.

Tillagan í heild (á vef Alþingis)

Umræðan á Alþing við afgreiðslu ályktunarinnar (opnast á vef Alþingis)

Íslandsmót ÍF í frjálsum íþróttum utanhúss fór fram á Laugardalsvelli laugardaginn 5. júní. Alls voru 44 keppendur skráðir til leiks frá 12 félögum. Að frátalinni svifryksmengun voru aðstæður góðar við mótið en sökum mengunarinnar var ákveðið að fella niður lengstu hlaupagreinarnar, 200m. og 400m. hlaup. Af þeim sökum var aðeins keppt í 100m. hlaupi, langstökki, kúluvarpi, hástökki og spjótkasti.

Sérstaka ánægju vakti á mótinu vaskleg endurkoma Hauks Gunnarssonar en kappinn reif fram skónna á nýjan leik og keppti fyrir hönd Suðra. Haukur keppir í flokki T37 og sýndi að hann hefur engu gleymt. Haukur er á meðal fremstu frjálsíþróttamanna í íþróttasögu fatlaðra á Íslandi og margfaldur verðlaunahafi hérlendis sem erlendis og hélt nokkrum heimsmetum í sínum ranni er ferill hans stóð sem hæst.

Þá voru þau Ingeborg Eide Garðarsdóttir, FH, og Baldur Ævar Baldursson, Snerpa, einnig mætt til leiks en bæði unnu þau til verðlauna á opna hollenska frjálsíþróttamótinu helgina 29.-30. maí síðastliðinn. Ingeborg náði sínum besta tíma á árinu í 100m. hlaupi er hún kom í mark á 17,51 sek. og Baldur bætti sig umtalsvert í langstökki frá mótinu í Hollandi er hann stökk 5,14m.

Kristófer Sigmarsson frá Eik á Akureyri vakti einnig verðskuldaða athygli á mótinu en Kristófer keppir í flokki þroskahamlaðra. Kraftmikill strákur að Norðan hér á ferðinni sem m.a. hljóp 100 metrana á rétt rúmum 13 sekúndum og skreið yfir 5 metrana í langstökkinu. Glæsilegur árangur hjá kappanum og verður spennandi að fylgjast með honum á næstu mótum.

Fleiri glæst tilþrif litu dagsins ljós á mótinu en Suðrasystur þær Hulda, Sigríður og María stálu senunni þegar þær systur komust allar þrjár saman á verðlaunapall. Þá kvað Hulda sér hljóðs á vellinum en þær systur komu færandi hendi. Stelpurnar búa í Mið-Mörk undir Eyjafjöllum og ef það er eitthvað sem þær eiga nóg af þessi misserin þá er það aska! Stelpurnar leystu mótsstjórn og fulltrúa stjórnar ÍF út með öskugjöfum en þær höfðu safnað saman ösku í nokkur ílát til gjafar. Þessi misserin er grátt um að litast á heimaslóðum systranna en það var enga grámyglu að sjá á þeim systrum við mótið enda annálaðir orkuboltar og fóru heim drekkhlaðnar verðlaunum að vanda.

Liðsmenn Eikar og Sigurjón Sigtryggsson frá Snerpu lentu í nokkru basli á leið sinni til Reykjavíkur. Töf varð á flugi hópsins að Norðan en Sigurjón og Eikarliðar börðu sér leið Suður og komust til mótsins þegar stökk- og kastgreinar voru að hefjast. Mótsstjórn heimilaði hópnum einnig að keppa í 100m. spretthlaupi en þar sem tímatökubúnaður mótsins var ekki lengur fyrir hendi voru hlaupin tímasett á skeiðklukku og því telst árangur þeirra í hlaupunum ekki lögleg úrslit.

Camilla Th. Hallgrímsson varaformaður ÍF setti mótið um síðustu helgi og hennar fyrsta verk við mótssetningu var að afhenda Kára Jónssyni silfurmerki ÍF. Hér að neðan fer umsögn um Kára:

Kári Jónsson er landsliðsþjálfari Íþróttasambands fatlaðra í frjálsum íþróttum. Kári sem er lektor í íþróttafræðum við Háskóla Íslands hefur yfirgripsmikla reynslu af frjálsíþróttum sem keppandi, þjálfari, kennari og fræðimaður
Kári hefur stýrt íslensku afreksfólki úr röðum fatlaðra á erlendri grundu með glæsilegum árangri og verið ÍF veigamikill aðstoðarmaður í hinum ýmsu atriðum er tengjast frjálsum íþróttum.

Stjórn ÍF hefur einróma samþykkt að sæma Kára Jónsson Silfurmerki ÍF en það er veitt þeim einstaklingum, sem inna af höndum skipulags- stjórnunar eða þjónustustörf í þágu íþrótta fatlaðra

SUMARHÁTÍÐ 2010.

Þá er komið að okkar árlegu sumarhátíð sem verður

haldin í Reykholti í Biskupstungum fyrstu helgina í júlí

þann 2 júlí til 4 júlí.

Fjölbreytt dagskrá verður fyrir fjöldskyldurnar.

Endilega takið frá þessa helgi því að nú munum við skemmta okkur.

Nánari dagskrár kynning mun koma fram síðar.

Upp með sumarskapið.

Stjórnin.

Morgunverðarfundur um fátækt.

Stýrihópur Evrópuársins 2010 gegn fátækt og félagslegri einangrun boðar til morgunverðarfundar föstudaginn 4. júní næstkomandi í Gullteigi B á Grand hótel þar sem fjallað verður um fátækt á Íslandi í dag. Fundurinn er sá fyrsti í fundaröð þar sem fjallað verður um fátækt, félagslega einangrun og leiðir til úrbóta.

Á fundinum munu sérfræðingar á sviði fátæktar og félagslegrar einangrunar gera grein fyrir sinni sýn á vandamálið og hvað þurfi að gera til þess að takast á við fátækt á Íslandi.

Fyrirlesarar verða Guðný Björk Eydal frá Háskóla Íslands, Vilborg Oddsdóttir frá Hjálparstofnun kirkjunnar og Sólveig Reynisdóttir frá Velferðasviði Reykjavíkurborgar. Að loknum erindum verða umræður og fyrirspurnir til fyrirlesara.

Boðið verður upp á morgunverð frá kl. 8.15 en fundurinn hefst kl. 8.30 og stendur til kl. 10.00.

Hverju lofa flokkarnir um velferð fatlaðra?

Opinn fundur ÖBÍ þriðjudaginn 25. maí kl. 16.00-19.00 á Hilton Reykjavík, sal A, Suðurlandsbraut 2, Reykjavík.
Fulltrúar í framboðum til sveitarstjórna á höfuðborgarsvæðinu svara spurningum um áherslur þeirra og forgangsröðun í málefnum fatlaðra.
Fundarstjóri: Margrét Steinarsdóttir, framkvæmdastjóri Mannréttindaskrifstofu Íslands.
Fundurinn er öllum opinn.
Táknmálstúlkar verða á staðnum og tónmöskvakerfi.
Mætum öll!   Ekkert um okkur án okkar!

Nú er komið að okkar árlegu hvatningarverðlaunum hjá cp félaginu .

Í  ár hlýtur Ýr Sigurðardóttir þessi verðlaun, sem hvatningu fyrir hennar störf í vetur .
En Ýr setti á laggirnar fótbolta námskeið fyrir fatlaða eða eins og hún kallar það Fótbolti fyrir alla og hafa börnin mjög gaman af þessum tímum .
Síðustu helgi fengu börnin að keppa á íslandsleikum Special Olympics og voru allir sigurvegarar í lok dags.
Við veitum þessu verðlaun í von um að þetta verði hvatning til annarra að gera slíkt hið sama í öðrum í þróttagreinum.

Havtningaverðlaunin verða veitt laugardaginn 22 maí klukkan 11:00 í íþróttasal Stjörnunnar í Garðabæ, sama stað og æfingarnar fara framm .

Við vonum að sem flestir sjái sér fært að mæta og kynni sér í leiðinni þetta frábæra námskeið sem Ýr stendur fyrir.

Í gær voru Íslandsleikar special Olympics  . Leikarnir fóru fram á íþróttasvæði KR í Reykjavík en KR er umsjónaraðili leikanna í samstarfi við ÍF og KSÍ.
Þarna mættu krakkar sem hafa verið að mæta í fótbolta fyrir alla sem hún Ýr Sigurðardóttir barnalæknir hefur haft veg og vanda af. Við hvetjum alla til að koma í fótbolta á milli klukkann 11 og 12 á laugardagsmorgnum í Asgarð í Garðabæ.
Hér eru stolltir CP krakkar með verðlaunin sín.

http://if.123.is/ er myndasíða Íþróttasambands fatlaðra og endilega kíkja á myndirnar en þær segja meira en mörg orð.

Föstudaginn 14. maí kl. 20.00 og sunnudaginn 16. maí kl. 17.00 ætlum við að vera með VORHRISTING

Sýnd verða nokkur stuttverk, gjörningur og flutt tónlist:

AFTUR Á SVIÐ eftir Fríðu Bonnie Andersen í leikstjórn Árna Salomonssonar. Leikarar eru: Hekla Bjarnadóttir, Hanna Margrét Kristleifsdóttir, Stefanía Björk Björnsdóttir, Þröstur Steinþórsson, Ásdís Úlfarsdóttir, Silja Kjartansdóttir, Tobias Hausner og Margrét Lilja Arnarsdóttir.

SNEMMA BEYGIST KRÓKURINN eftir Nínu Björk Jónsdóttur, leikstjóri Árni Salomonsson. Leikarar eru: Guðríður Ólafsdóttir, Sóley Björk Axelsdóttir og Kolbeinn Jes Vilmundarson.

Flutt verður 4. þáttur úr nýrri íslenskri óperu REKÖLDIN eftir Dag Sigurðarson og Einar Melax. Leikstjórn: Einar Melax og Gunnar Gunnarsson, Gunsó. Leikarar eru: Kristinn Sveinn Axelsson, Sólberg R. Haraldsson, Tobias Hausner, Daníel Þórhallsson og Rúnar Sigríðarson.

Prinsinn Páskar fremur gjörning og verður með uppistand sem hann kallar PRINSINN PÁSKAR PARTÝ PINNAST

Dúettinn CONDUCTIVE sem hinir margfrægu Tobbi og Danni skipa, flytja tónlistaratriði.
KEG TRÍÓIÐ flytur nokkur lög.
Tríóið skipa: Kolbrún Stefánsdóttir, Einar Andrésson og Guðfinna Ásgeirsdóttir.

Eitthvað ljúffengt verður með kaffinu í hléi

Miðaverð er 1200 kr. og kaffiveitingar innifaldar.
Miðasala er í síma 897-5007 og á midi@halaleikhopurinn.is

Íslandsleikar Special Olympics í knattspyrnu 2010
Íslandsleikar Special Olympics í knattspyrnu 2010 verða haldnir sunnudaginn 16. maí 2010. Leikarnir fara fram á íþróttasvæði KR í Reykjavík en KR er umsjónaraðili leikanna í samstarfi við ÍF og KSÍ.  Upphitun hefst 12.45 og kl. 13.00 verður mótssetning.  Að keppni lokinni verður verðlaunaafhending og
síðan verða grillaðar  pylsur í boði ÍF.  
Í fyrsta skipti verður settur upp sérstakur "Stjörnuflokkur" barna með sérþarfir sem hafa verið að æfa í Garðabæ.  Þeim var boðið að taka þátt í Íslandsleikum Special Olympics og það var mikill áhugi á því. Ýr Sigurðardóttir barnalæknir er í forsvari þessa hóps og mun mæta með 4 lið til keppni.

Ferðaþjónustan Skjaldarvík opnar 15. maí 2010

Aðalfundur Félags CP á Íslandi verður haldinn

fimmtudaginn 29. apríl 2010, kl 20.

Háaleitisbraut 11-13, 4. hæð.

Félagsmönnum í CP félaginu stendur til boða að leigja sumarhús af Þroskahjálp á Suðurlandi.
Um er að ræða orlfshús á Slefossi að Lambhaga 48.

Aðalfundur Félags CP á Íslandi verður haldinn

fimmtudaginn 29. apríl 2010, kl 20.

Háaleitisbraut 11-13, 4. hæð.

Dagskrá aðalfundar:

1.Fundur settur

2.Fundarstjóri skipaður

3.Skipaður fundarritari

4.Skýrsla formanns

5.Gjaldkeri kynnir reikninga félagsins

6.Lagabreytingar

7.Kynning á mannefli - styrktarsjóður

8. Ákvörðun árgjalds

9.Formannskjör

10.Stjórnarkjör

11.Kjör skoðunarmanns reikninga

12.Önnur mál

Léttar veitingar verða í boði í lok fundar.

Eftirtaldar tillögur að lagabreytingum  verða lagðar fyrir aðalfundinn. 
4.grein. 
Úrsögn úr félaginu skal á sama hátt tilkynna formlega til stjórnar félagsins. Þá telst sá félagi sem ekki stendur í skilum með félagsgjöld til félagsins, sjálfkrafa hættur í félaginu.

Verður

4.grein.

Úrsögn úr félaginu skal tilkynna formlega til stjórnar félagsins.

6.grein. 
Félagið starfar í einu lagi fyrir allt landið og skal árlegur aðalfundur þess boðaður öllum félögum skriflega, með bréfi eða rafrænum hætti í samræmi við 8. grein laga þessara.  Að auki skal auglýsa aðalfund í a.m.k. einu dagblaði á landsvísu með minnst 7 daga fyrirvara.  Aukafundi er heimilt að boða fyrir smærri svæði eftir hentugleika , með þeim aðferðum sem henta þykja hverju sinni, þó þannig að þess sé freistað að ná til allra þeirra félaga sem á viðkomandi svæði búa.

Allir félagar hafa málfrelsi, tillögurétt og atkvæðisrétt á félagsfundum.

Verður

6.grein

Félagið starfar í einu lagi fyrir allt landið og skal árlegur aðalfundur þess boðaður öllum félögum skriflega, með bréfi eða rafrænum hætti í samræmi við 8. grein laga þessara.  Aukafundi er heimilt að boða fyrir smærri svæði eftir hentugleika , með þeim aðferðum sem henta þykja hverju sinni, þó þannig að þess sé freistað að ná til allra þeirra félaga sem á viðkomandi svæði búa.

Allir félagar hafa málfrelsi, tillögurétt og atkvæðisrétt á félagsfundum.

 FÓTBOLTI FYRIR ALLA
 FÓTBOLTI FYRIR ALLA
Hefjast laugardaginn 24. apríl
kl. 11.00 í Ásgarði í Garðabæ

Æfingarnar eru ætlaðar öllum börnum sem geta ekki
nýtt sér hefðbundið barna- og unglingastarf vegna
fötlunar eða þroskafrávika.

Starfsemin er undir merkjum Stjörnunnar en öllum er
velkomið að skrá sig til leiks. Æfingagjöld eru 3.000 kr.
fyrir æfingar í 8 vikur.

Velkomið er að systkini iðkenda, foreldrareða aðrir
aðstandendur taki þátt í æfingunum og er markmiðið
að allir njóti boltans með sínu lagi.

Áhugasamir eru beðnir að láta vita af sér á tölvupóstfangi
ábyrgðarmanns, Ýrar Sigurðardóttur barnalæknis, yr@lsh.is

Aðalfundur Félags CP á Íslandi verður haldinn

fimmtudaginn 29. apríl 2010, kl 20.

Háaleitisbraut 11-13, 4. hæð,

í húsi Sjónarhóls.

Stjórninn hvetur alla til að taka þetta kvöld frá, dagskrá kvöldsins verður auglýst síðar.

Að brjótast í gegnum takmarkanir
Kynning á sjálfstyrkingarnámskeiði fyrir hreyfihamlaðar stúlkur

*       Skipuleggjendur námskeiðsins verða með almenna umfjöllun um
námskeiðið
*       Stuttmynd um námskeiðið sýnd
*       Tveir þátttakendur segja frá upplifun sinni af námskeiðinu
*       Foreldrar segja álit sitt á námskeiðinu
*       Samantekt
*       Umræður og fyrirspurnir

Kynningin er haldin í samstarfi við Rannsóknarsetur í fötlunarfræðum við
Háskóla Íslands og fer fram í stofu 202 á Háskólatorgi föstudaginn 16.
apríl, kl. 13:00.
Verkefnið var fjármagnað með styrkjum frá framkvæmdastjórn Evrópusambandsins
og Mannréttindaskrifstofu Reykjavíkurborgar.

Allir velkomnir!

Íslandsmót Íþróttasambands fatlaðra 2010 
 
Dagna 20.-21. mars fer Íslandsmót Íþróttasambands fatlaðra fram þar sem keppt verður í sex greinum, sundi, boccia, bogfimi, frjálsum íþróttum, lyftingum og borðtennis. Keppni í sundi fer fram í Ásvallalaug í Hafnarfirði, keppni í borðtennis fer fram í TBR húsinu en hinar fjórar greinarnar fara fram í Laugardalshöll. Frjálsar og bogfimi í frjálsíþróttahöllinni, lyftingar í bíósal frjálsíþróttahallar og boccia í aðalsal Laugardalshallar.
 
Alls eru 392 keppendur skráðir til leiks frá samtals 23 félögum. Af þessum 23 félögum eru 18 aðildarfélög Íþróttasambands fatlaðra en frá öðrum félögum hafa Ungmennafélag Njarðvíkur, Ármann, Rimmugýgur, Hringhorni og FH sent keppendur til leiks.
 
Sýnt verður beint frá boccia, lyftingum og frjálsum íþróttum á netútsendingastöðinni www.sporttv.is á sunnudeginum.
 

Ráðstefna á vegum Samtaka fyrirtækja í heilbrigðisþjónustu (SFH) haldin þriðjudaginn 16.mars 2010 í Hvammi á Grand Hótel Reykjavík.
Allir velkomnir og aðgangur ókeypis.

Farartæki fyrir fatlaða, sýning hjá Öryggismiðstöðinni á laugardaginn milli klukkan 12 og 15 að Askalind 1 í Kópavogi. 
  vv